Crowd Cymru

Mae Crowd Cymru yn trawsnewid mynediad at archifau Cymru trwy brosiect torfoli digidol unigryw, a ariennir gan Lywodraeth Cymru. 

Mae ein 10 partner a dros 120 o wirfoddolwyr yn defnyddio platfform torfoli dwyieithog sy’n cael ei letya gan Lyfrgell Genedlaethol Cymru, i drawsgrifio, tagio a disgrifio dogfennau wedi'u digido, gan sicrhau eu bod yn haws eu chwilio a'u darganfod ar-lein. 

Mae archifau yn hanfodol i'n helpu i ddeall yr hanes rydyn ni’n ei rannu, ac rydyn ni wedi gweld y prosiect hwn yn datgloi straeon  coll, yn sbarduno ymchwil newydd, ac yn ysbrydoli ymatebion creadigol i eitemau yn ein casgliadau, yn barod. 

Mae ein gwirfoddolwyr yn dod o Gymru gan fwyaf, ond mae gennym hefyd gyfr anwyr o Ganada, Awstralia, UDA, Denmarc, India a De Corea. 

Gyda'n gilydd, rydyn ni’n creu cymuned wirfoddoli fyd-eang sy'n cyfoethogi mynediad at dreftadaeth Cymru a’i hanes, ac yn gwella’r mynediad hwn. 

Sicrhau bod modd darganfod treftadaeth Cymru ar-lein 

Mae gwirfoddolwyr Crowd Cymru wedi sicrhau bod dros 700 o eitemau o archifau Cymru yn haws eu chwilio a'u darganfod ar-lein. Roedd y rhain yn cynnwys tua 600 o lythyrau, 500 o ffotograffau ac 20 o ddyddiaduron a chyfnodolion – cyfanswm o dros 6000 o dudalennau o ddeunydd! 

Rydyn ni wedi gweithio ar 15 casgliad hyd yn hyn, gan gynnwys: 

  • dyddiaduron Priscilla Scott-Ellis, nyrs wirfoddol yn Rhyfel Cartref Sbaen a'r Ail Ryfel Byd (Casgliadau Arbennig Prifysgol Caerdydd)  

Gwirfoddoli gyda ni 

Mae ein model gwirfoddoli digidol arloesol wedi'i gynllunio i gyrraedd pobl sydd ddim yn gallu ymweld â'n harchifau’n bersonol yn hwylus, neu sydd angen  mwy o hyblygrwydd oherwydd gwaith, iechyd, symudedd neu rwystrau daearyddol. 

Mae gwirfoddolwyr yn cyfrannu yn eu hamser eu hunain, o'u cartrefi eu hunain, mewn ffordd sy'n gweithio iddyn nhw. Maen nhw’n cael eu cefnogi gyda hyfforddiant un-i- un, cefnogaeth barhaus, cylchlythyron rheolaidd a chyfleoedd i gymdeithasau  ar-lein. 

Dangosodd arolwg diweddar fod ein gwirfoddolwyr yn gwerthfawrogi Crowd Cymru fel profiad cefnogol, difyr a deallusol ysgogol. Dywedodd 96% fod cyfrannu at y prosiect wedi gwella’u llesiant, ac roedd 91% wedi dysgu sgiliau digidol newydd. 

Mae'r prosiect yn cyfrannu at y Strategaeth ddigidol i Gymru gan Lywodraeth Cymru ac yn helpu i leihau ein hôl troed carbon ar yr un pryd, trwy leihau'r angen i wirfoddolwyr deithio.    

Ein noddwyr 

Yn y gorffennol cawsom ein hariannu gan Gronfa Treftadaeth y Loteri Genedlaethol, Chwaraewyr y Loteri Genedlaethol, a Llyfrgell Genedlaethol Cymru, ac ar hyn o bryd rydyn ni’n cael ein hariannu gan Lywodraeth Cymru tan fis Hydref 2026.

Rhagor o wybodaeth 

Gallwch gael y newyddion diweddaraf i gyd am Crowd Cymru ar  bluesky ac Instagram,  eu porwch drwy ein cyfrif linktr.ee a Padlet am flogiau, erthyglau, podlediadau a mwy.  

Cysylltwch â ni 

crowdcymru@gwentarchives.gov.uk   

Os oes gennych ddiddordeb mewn gwirfoddoli gyda ni, neu os hoffech ragor o wybodaeth am y prosiect, byddem wrth ein bodd i  glywed gennych. Rydyn ni’n awyddus i rannu’r hyn rydyn ni wedi’i ddysgu ac arfer gorau gyda'r sectorau treftadaeth a diwylliannol 

Ein partneriaid